影片
更多
2006-03-14
68 浏览
第一次写食评,因为发觉呢道太多评论是与事实不符,唔写唔得.我同男友庆祝生日,之前见到呢道嘅评语,咪嚟食啰,点知失望到不得了. 讲到个女人的心,翠华餐汤好味过佢.d焗暑好漏.main course羽鸽唔够滑有d嚡,dessert系暖心朱古力,之前响第二道食过系有d朱古力响裹面漏出嚟,但呢道连入面都好硬,就系一旧好硬嘅朱古力蛋糕.$320完全唔值.一切一切都唔紧要,因为全香港唔系得佢差,最奇怪系竟然有好多好评,唔怪得之前有人话系佢哋自己写出嚟啦,不过只要细心d睇,又不难发现破绽,出一个劣评之后即刻有6.7个好评,个劣评无讲边日去食,但之后反驳嘅好评就话佢果日都有去帮衬云云...其实我去食之前就发现咗,不过即管试试,点知真系笨咗,如果贪呢道可以免费宣传同唔洗比广告费,希望佢哋用d时间嚟钻研菜色好过啦.
张贴