桃園眷村 (已結業)

想试好耐，不过新开通常实多人，但过左一排都唔记得左佢。今日黎开呢头即管试。黎到见都叫有人呀，不过自行攞位嘅，但都唔难揾位。 3个人，叫左几样嘢。熏肉蛋烧饼，不过不失。个烧饼系脆嘅 但系。。。。薄到无朋友，个味就系。。。无乜味。 猪拗蛋烧饼，唔讲，系唔觉有蛋嘅，个猪拗好普通，普通到，无乜好形容。而呢个黑糖珍珠豆浆，好在够健康，因为唔甜，但珍珠无乜黑糖味，珍珠唔够烟韧。豆浆正常嘅街边粥店一样。唯一比较好味嘅，就系饭团，一个肉燥，一个肉松，最可取嘅，佢入面有够类似炸两嘅物体，够脆身，同相对够饱肚。 呢个咸豆浆朋友食，佢话麻麻。整体食唔到台湾风味，好普通，唔怪得无乜人了。