清真惠記

营业中

休息中

早排喺YouTube见到过唔知咩KOL去食羊肉饭同埋烧鹅。讲到啲羊腩好食到天跌落嚟咁。落开湾仔就去试吓。同埋见到咁多正食评。满怀高兴咁去一坐低就同佢讲叫咖喱羊饭，见佢写住含骨，应该都OK啦。好啦重点，将个碗仔啲𩠌倒落个碟度，哗望落去全部一粒粒细嘅好似排骨，跟住叫咗一个好似大妈咁嘅阿姐同佢讲。我话你地啲样全部都系骨，好少肉黐住！跟住佢就望咗两眼，攞个碗仔去，俾返一件，系一件羊肉，大个手指头比我。我都算数费事同佢嘈，食完嗱嗱声走人。俾钱个时候有一个好似后生啲嘅我谂系老板娘，都算有礼貌讲句多谢。我都冇再同佢投诉，但一定以后唔会再帮衬。羊肉饭，咖喱普通，系咪啲YouTuber讲到咁好食咁夸张我话俾你哋听唔系！附上碟饭嘅图片，可能我影得唔系太好，其实全部都好似排骨一粒一粒咁，系完全冇肉咁滞。