玉葉越式料理

营业中

休息中

人生第一次入康城，見到間越南餐廳靚靚地就走左入去食，結果中晒伏。西貢咖喱牛腩飯，首先唔知同西貢有咩關係，啲牛腩又少又硬到食唔到，而且除左上面兩舊下面全部都係啲頭頭尾尾食唔到既下欄，咖喱好似溝水咁完全無味，啲飯又淋到一舊舊。香茅豬扒湯河，豬扒又係硬到黐晒牙（不過都好過啲牛腩），個湯就中規中矩，唯一可取之處係河粉份量夠。越式炸春卷，一咬落去成口油，其他無咩特別，至少唔難食。成餐連加一$198，從味道黎講就算價錢減半都食唔過，可能康城真係無咩選擇，不過我就絕對無下次。