影片
更多
2021-01-24
72 浏览
成日都同朋友讲好想试nuttea, 想试吓用坚果打出嚟嘅奶盖系咩味，今日终于试到。呢日嚟九龙湾呢间铺，位置唔算系好旺嘅地方，不过两三点嚟到都要排吓队。铺面唔算好大，有个位置可以俾客人拎完嘢饮之后整理吓行装，或者堂食。呢度嘅奶盖或者坚果奶，系由五种坚果，分别系杏仁，核桃，榛子，夏威夷果仁同腰果打出嚟，比起用奶制品打出嚟嘅会感觉健康啲，啱哂呢几年嘅vegan风气。我同朋友各自嗌咗杯红肉火龙果坚果奶盖茶同伯爵朱古力坚果奶盖茶，两杯都系铺头有特别推介嘅。因为系堂食，所以店员都冇帮我地加胶盖，更加可以帮杯嘢饮影靓啲。火龙果个杯饮落好refreshing,会饮到火龙果肉，奶盖上面都放咗一堆火龙果肉。坚果奶盖好厚身，铺头有提供一啲匙羹仔俾你食啲奶盖，奶盖食落去有好香嘅果味，比起奶制嘅奶盖增添咗啲风味，好喜欢！另外我自己个杯伯爵茶首先一饮个茶或伯爵茶味好香浓。呢杯个奶盖有少少唔同，系朱古力坚果奶盖嚟，朱古力味好重，盖过咗坚果味。我呢杯嗌咗无糖，但一啲都唔会觉得寡，捞匀咗啲奶盖感觉啱啱好。下次嚟会想试埋佢啲坚果奶，不过佢啲奶盖真系好出色，好惊下次嚟又会心大心细添🥲
我同朋友各自嗌咗杯红肉火龙果坚果奶盖茶同伯爵朱古力坚果奶盖茶，两杯都系铺头有特别推介嘅。因为系堂食，所以店员都冇帮我地加胶盖，更加可以帮杯嘢饮影靓啲。火龙果个杯饮落好refreshing,会饮到火龙果肉，奶盖上面都放咗一堆火龙果肉。坚果奶盖好厚身，铺头有提供一啲匙羹仔俾你食啲奶盖，奶盖食落去有好香嘅果味，比起奶制嘅奶盖增添咗啲风味，好喜欢！
另外我自己个杯伯爵茶首先一饮个茶或伯爵茶味好香浓。呢杯个奶盖有少少唔同，系朱古力坚果奶盖嚟，朱古力味好重，盖过咗坚果味。我呢杯嗌咗无糖，但一啲都唔会觉得寡，捞匀咗啲奶盖感觉啱啱好。
下次嚟会想试埋佢啲坚果奶，不过佢啲奶盖真系好出色，好惊下次嚟又会心大心细添🥲
张贴
