新蒸武門 (已結業)

呢度嘅茶杯好精致好有气派感,茶用上养生材料,菊花红枣圆肉等,味道跟健康更胜一般的茶!!!话梅猪手冻食,首先冇谂过咁大碟,好入味有话梅嘅甜又有酒香,层猪皮好爽口,既有骨吮又有肉咬,平时出面食冻猪手,成日都觉得唔够食唔够喉呢度一碟咁大碟,认真满足,同埋猪手做得咁入味,呢度真系做得好成功!!!足料炖汤之:姬虫草螺片炖鸡,有图有真相啦超足料,啖汤够热饮落去好醒胃,姬虫草嘅香同螺片嘅鲜甜 ,好滋味!!!是日炖汤有两款选择,另一款选了依个无花果海底椰雪梨炖猪,呢个炖汤嘅疗效真系啱晒转季够滋润,重有落南北杏,正!!!龙趸球蒸豆腐,用豆豉蒸好野味,龙趸球好嫩滑无骨啖啖肉,豆腐口感同样嫩滑,两样野夹埋好相衬!!!节瓜浸鱼滑,味道清清地感觉好清新健康节瓜鱼话仲有冬菇同云耳口感丰富!!!鱼滑一d都唔腥,新鲜!!!鱼肉点呢个豆瓣辣酱更加惹味 呢度除咗有散叫小菜仲有好多餐可以选择,有二人三人四人餐,包埋汤同白饭,d餐已经有海鲜选择即使二人餐都有,认真抵食!!!***个人认为呢度嘅食物味道都系偏淡嘅,味不会太浓,感觉健康,第一啖入口已经知道完全零味精,原汁原味!!很欣赏!!