越南米紙 (已結業)

呢间米纸成日都话去试，今晚经过舖面见有小火锅食，即刻同男朋友入去坐定定。店舖并不大，但座位之间都算宽阔，坐得舒服。香茅鸡翼完全冇香茅味，好似冇腌过咁，只系一只普通炸鸡翼。墨鱼饼超级唔抵食！食唔出系墨鱼馅，层炸粉又好厚！安格斯牛肉杂锦锅我们拣了麻辣汤，配料有肥牛、丸、饺子、生菜、菇、乌冬，加埋都只系$68！竟然同头先果4块墨鱼饼一样都系$68。。。材料都新鲜，份量刚好二人share。眀炉乌头鱼条鱼都算大条，个汤酸mei mei几开胃，可惜overcook左，鱼肉质感偏鞋。男朋友另加＄10一碗黄姜饭，他表示这是一碗有颜色的白饭。