嘆嘆 (裝修中)

先讲环境，餐厅播音乐劲大声，播嚟播去都系𠮶几首，一餐饭时间净系jisoo首flower已经播左三四次。食物嗌咗招牌牛肉面，卤水鸡翼肉燥饭，同埋牛乳黑糖芋圆特盛。牛肉面嘅面几特别而且入味，牛肉同牛筋都好食。肉燥饭就一般，卤水鸡翼有啲太腍。甜品真系好麻麻，啲冰未打碎有啲仲黐埋一大嚿，要系咁用匙羹打碎佢嚟食，而且好多都冇味。雪糕珍珠芋圆都好一般，牛奶布甸都OK，但系个麻糬就真系麻麻。如果唔系为咗凑够$200用OpenRice个优惠券都唔会嗌呢个甜品。食物真系偏贵唔抵食，呢个价钱可以食到更好食嘅台式餐厅。