世記上海麵店

营业中

休息中

凑完比卡猪返学，同太座谂吓食咩早餐，突然兴起想去大埔街市食味，就由沙田揸车入去，上到去行咗个圈，都系拣猪扒面，今次试吓食世记，因为上次我食过隔离𠮶间，猪扒又硬又干，印象难忘!炸酱+猪扒上海面，炸酱小小辣好惹味，猪扒外脆内软，肉汁丰富，咁先至系炸猪扒，配上上海粗面，Perfect !竹笋+鸡翼，未上枱笋味已经飘入鼻，好挂住小时候阿婆整嘅笋虾，鸡翼又系外表脆卜卜，但鸡肉滑捋捋，正!呢度仲有菜肉云吞同几款食材配搭，下次要再试埋先得!