影片
更多
2018-10-22
399 浏览
今日同妈咪出荃湾拜山，本身妈咪想食味千（佢系忠实fans😂，好难迫到佢食其他拉面)。但因为巴士系葵芳站落，所以就系番呢头揾野食。系新都会行左阵街，睇水牌见到呢间铺系日文名，就谂应该都有拉面食，所以就决定食呢间。午市黎讲都唔算等好耐，等两三张台就有。等入座既同时，侍应会比menu同order纸我地睇定、剔定要食啲咩。佢地既拉面都有十零款可以拣，面质、葱、笋都可以选择，但就唯独得男盛拉面可以拣熟成／辣塩汤。入座之后，第一眼就留意到台面啲调味料🤔。除左有一般既辣油、胡椒粉个啲，最特别系有三樽野，分别系黑蒜油、梅子酱同柚子胡椒。我估系要黎加落汤到，等汤底既味浓啲，所以我加左最大路既黑蒜。另外试左少少个柚子胡椒，觉得太盐，都系乖乖地食番黑蒜油🤣。妈咪嗌左「黑蒜熟成浓汤拉面」，我就拣左「俺流男盛拉面」，因为见佢最多料。汤底好香浓，面都好弹牙🍜。最感动既系溏心蛋系一只，唔系半只🤩，平时啲拉面都系得半只。至于啲叉烧都ok，不过我本身就麻麻地叉烧，唔钟意食到肥肉。碗面仲有两大旧炸鸡，真系好大块。啲色有啲浅，唔太似唐扬炸鸡。不过因为上菜个阵直接浸左落汤到，个皮已经唔脆😭，啲鸡另上会好啲！整体黎讲系中上水平
系新都会行左阵街，睇水牌见到呢间铺系日文名，就谂应该都有拉面食，所以就决定食呢间。午市黎讲都唔算等好耐，等两三张台就有。等入座既同时，侍应会比menu同order纸我地睇定、剔定要食啲咩。佢地既拉面都有十零款可以拣，面质、葱、笋都可以选择，但就唯独得男盛拉面可以拣熟成／辣塩汤。
入座之后，第一眼就留意到台面啲调味料🤔。除左有一般既辣油、胡椒粉个啲，最特别系有三樽野，分别系黑蒜油、梅子酱同柚子胡椒。我估系要黎加落汤到，等汤底既味浓啲，所以我加左最大路既黑蒜。另外试左少少个柚子胡椒，觉得太盐，都系乖乖地食番黑蒜油🤣。
妈咪嗌左「黑蒜熟成浓汤拉面」，我就拣左「俺流男盛拉面」，因为见佢最多料。汤底好香浓，面都好弹牙🍜。最感动既系溏心蛋系一只，唔系半只🤩，平时啲拉面都系得半只。至于啲叉烧都ok，不过我本身就麻麻地叉烧，唔钟意食到肥肉。碗面仲有两大旧炸鸡，真系好大块。啲色有啲浅，唔太似唐扬炸鸡。不过因为上菜个阵直接浸左落汤到，个皮已经唔脆😭，啲鸡另上会好啲！
黑蒜熟成浓汤拉面
$73
43 浏览
0 赞好
0 留言
俺流男盛拉面
$89
27 浏览
0 赞好
0 留言
整体黎讲系中上水平，虽然唔算好平，但间唔中黎食下都唔错👍🏻。
张贴
