里木

营业中

休息中

周年纪念梗系要同老公一齐食我哋最爱嘅日料啦🥰 特登喺呢间出名嘅日料店book咗位，嚟享受新鲜食材喺舌头跳动嘅滋味～一开始先上先付，牡蛎个头好大，整体非常新鲜！仲可以食到淡淡嘅海水味😋 鱼子酱更加唔使讲，慢慢咬落去能够feel到鱼卵喺嘴里爆开！简直就系奢华嘅享受✨跟住就系刺身啦，白象拔蚌同粒贝配冲绳水云系一齐上嘅。白象拔蚌口感鲜嫩弹牙，鲜味十足！粒贝好脆身，上面仲撒上啲柚子皮成个味道好清香！最钟意就系原只海胆仲带住壳！入口即化讲嘅就系呢种感觉🥹 完全冇腥味反而仲带点鲜甜！牡丹虾配海胆亦好鲜甜，好好食🤤跟住就系由师傅发办季节鱼寿司，师傅手法处理恰当，一点鱼腥味都冇，肉质仲好软嫩🥹仲有和牛海胆热狗！鲜嫩嘅和牛轻轻喺表面烧一烧，上面仲铺满咗满满嘅海胆卷埋嚟食，好食到升天‼️‼️最后就系用甜蜜嘅蜜瓜收尾啦~ 清甜解腻，超满足‼️🥰