捌壹公館 (已結業)

同朋友去咗佐敦呢间新开嘅fusion西餐捌壹公馆晚饭，餐厅走型格工业风，店子虽小，但感觉温馨有格调。我哋平日晚上去，餐厅好有人气，未到7pm已经full booking，小店座位不多，所以一定要提早订枱！南乳烧春鸡配羽衣甘蓝及红菜头渍物呢个非常有惊喜！冇谂过南乳同春鸡系咁夹！南乳好入味，鸡肉外脆内嫩，配菜嘅红菜头渍酸酸甜甜，恰好平衡左南乳春鸡嘅浓味，而且整成面条状，口感丰富！黑松露炒蛋配法式酸种包黑松露炒蛋非常嫩滑，仲有唔少蛋汁，同有嚼口嘅酸种包都几夹。话梅菠萝酱配窝夫及雪糕见网上好多人推荐，点咗一份试下！冇谂过系咁大份！窝夫做得出色，烘得外脆内松软，每块窝夫上仲有大大旧菠萝酱，菠萝香甜多汁，味道清新！我特别欣赏小店洒上话梅粉，酸酸嘅话梅粉令菠萝入口更甜更多汁，味道更加提升！整体食物好有水准，小店将西餐完美地糅合港式风味，味道带到惊喜俾我！店员服务都好友善，经常面带微笑！绝对推荐！