夜上海

营业中

休息中

香港有好多上海菜嘅餐厅，每间餐厅都各自有出色嘅菜式，如果去夜上海嘅话，会推荐以下几款菜:鲜肉小笼包$92好食! 好食到叫咗两笼!小笼包皮薄得嚟又唔会易穿, 食落去有满满嘅猪肉汤浸系口入面，一人食咗一笼都唔会觉得好油腻。系一款必定要嗌嘅菜式，唔好错过。萝卜丝酥饼$60比平时酒楼食嘅大粒好多，起码大咗一倍。需然好大粒，但个酥皮唔厚，食落去唔会觉得好油腻。入面满满嘅白萝卜丝都比平时食嘅粗，咬落去更加有口感🤌🏼三鲜赛螃蟹$260好多料嘅赛螃蟹，充满蟹肉同虾仁脆，重有唔少蟹膏系面，加埋啲醋一齐食好好食。其实菜式都好食，但就无话特别出色，不过就一定无伏。室内装修都几新净同靓仔，不过会有啲嘈。