李圓圓 (駱駝漆大廈) (已結業)

寻日食完饭系观塘行，行行下见到李圆圆，勾起我去台湾旅行嘅回忆。见到劲多人排队，多到我等咗好耐先影到张冇人嘅门面相。都几多选择，最后我买咗杯暖嘅黑糖珍珠鲜奶2.0 ($33) 饮下，佢地用明治鲜奶劲好饮。寻日系观塘食完午餐之后要去新蒲岗食下午茶。系观塘买完嘢饮之后有一个半钟，买咗呢杯嘢饮可以一路行一路饮，感觉冇咁肥又悭咗十蚊。讲返杯嘢饮先，所谓嘅2.0就做多咗30%嘅牛奶，适合我呢啲爱奶之人。我唔太中意冻饮，我叫咗暖嘅都几够热，如果热可能会太热。啲珍珠黑糖味浓郁，用明火火炉古法熬煮两个钟。而且佢哋嘅珍珠比较软同烟韧，咬落个牙骹都好舒服。啲奶太好饮我未行到一半就饮晒，捞匀咗之后都唔会太甜。