影片
更多
2018-12-22
1381 浏览
话说星期日喺城隍街楼梯发现呢间小店，装修又系（扮）怀旧香港特色𠮶只，舖头外面有张康乐棋枱同几张铁枱櫈，都坐咗啲人，入面有张bar枱，餐牌放喺枱面，原来佢主要系卖鱼蛋烧卖、肠粉、碗仔翅咁。好肚饿呀...整份猪肉烧卖加个捞面先啦。不过店外店内都见唔到有侍应/收银，净系见到open kitchen度有两个人，咁我拎住个餐牌问其中一个女人（下称A）：「想问下系咪喺度嗌嘢食？」但系A冇直接回应我个问题：「唔好同我讲嘢住！我好唔得闲！」Ok，我当你工作压力大，不幸患上躁狂症。于是我等咗阵，将目标转移去隔离一个包紧烧卖，外表睇落林善啲嘅女人（下称B），点知以貌取人都系唔啱⋯⋯佢都未听我想要咩，就话：「你等等好冇，我而家得猪皮同鱼蛋架咋！」语气唔好得过A几多。A开始唔耐烦：「我而家煮紧我个碗仔翅，如果我理你，就煮唔到碗翅！」心谂你唔识multi-tasking ，净系可以做一样嘢，你出面啲客可能已经饿死咗，我系唔系要半年前落单先食到你碗翅？我唔甘心，再追问：「咁出面有冇其他人帮手落单？」B再施展赶客绝技：「冇，出面系公众地方。」哗！啲答案咁无敌，冇人驳斥到你哋啦。我就好有礼貌咁讲：「咁冇计，下次先。」
好肚饿呀...整份猪肉烧卖加个捞面先啦。不过店外店内都见唔到有侍应/收银，净系见到open kitchen度有两个人，咁我拎住个餐牌问其中一个女人（下称A）：「想问下系咪喺度嗌嘢食？」但系A冇直接回应我个问题：「唔好同我讲嘢住！我好唔得闲！」
Ok，我当你工作压力大，不幸患上躁狂症。于是我等咗阵，将目标转移去隔离一个包紧烧卖，外表睇落林善啲嘅女人（下称B），点知以貌取人都系唔啱⋯⋯佢都未听我想要咩，就话：「你等等好冇，我而家得猪皮同鱼蛋架咋！」语气唔好得过A几多。A开始唔耐烦：「我而家煮紧我个碗仔翅，如果我理你，就煮唔到碗翅！」心谂你唔识multi-tasking ，净系可以做一样嘢，你出面啲客可能已经饿死咗，我系唔系要半年前落单先食到你碗翅？我唔甘心，再追问：「咁出面有冇其他人帮手落单？」B再施展赶客绝技：「冇，出面系公众地方。」哗！啲答案咁无敌，冇人驳斥到你哋啦。我就好有礼貌咁讲：「咁冇计，下次先。」今次到A秒回我：「bye bye!」之后我头也不回行出门口，行到楼梯口，都听到A一轮咀咁向我个方向喧哗，内容大概围绕佢有几忙，理唔到我之类。小弟素来和理非非，除咗向佢报以微笑仲可以点？
呢间虽然一睇就估到唔系卖高效率嘅小食，系卖即叫即整、休闲感觉为主，想人扮下文青品味生活咁。都明白啲食物可能冇咁快整好，但估唔到会连基本礼貌都冇，唔识尊重个客。我本身都系欣赏你间舖先入嚟买嘢食啫，讲句嘢使唔使去到咁尽呢？假设澳牛、九记嘅service系B10地狱级，呢间老友记认咗B17，应该冇人同佢争B18。
后话：我好奇上openrice揾下间嘢，原来未开file （我帮佢开返个）...不过见到佢喺google 评分有五星㗎，仲有人大赞有个kind and welcoming owner，所以我怀疑煮紧嘢𠮶两个都唔系老细。但点解google comment 又完全冇提及呢个伏呢？真系答你唔到。
张贴
