皇室盛宴 (已結業)

今日要试既系皇室盛宴，事缘前个星期黎呢幢大厦食lunch发现到呢间隐世地方，位置系皇后大道中118号3楼。头盘有几道菜，分别有招牌菜煎西瓜拉龙虾肉黑鱼子酱多士 (两粒西瓜好特别，依照食法两粒西瓜会有唔同层次，食埋旧多士更加滋味)、香芒龙虾沙律 (卖相很美，黄色好夺目，芒果同沙律菜mix埋食甜甜酸酸几开胃)、龙虾肉威士忌蒸蛋 (很创新既组合，竟然谂到用威士忌黎蒸蛋，认真唔简单。蒸蛋卖相精致，开壳功力唔简单，威士忌味经蒸过后冇咁浓，但仍然会食到威士忌阵味)、黑松露龙虾汤 (鲜甜好饮，散发阵阵松露香)、雪葩 (柠檬味，清清个口准备主菜)、龙虾意大利饭 (risotto比想像中好食，饭口感似正宗意大利饭，咀嚼中既risotto会有阵腐乳香，阵香味会令你食欲增加。呢个配搭好完美，好钟意呢个risotto)、朱古力布朗尼伴雪糕 (脆身且味道不错，雪糕系抹茶)。