Jimmy's Kitchen (已結業)

早、午两餐都非常满意，到夜晚选择食西餐，自助餐唔想食，间老牌西餐厅，既可怀旧又够情调，Jimmy's kitchen 都算是首选。Blackboard menu有几多选择，一个set dinner大约三佰几，但系唔多口味，于是散叫。两个汤分别系焗洋汤($60)及龙虾汤($65)，洋汤好正尤其系面头芝士焗得好香，龙虾汤都有水准但非我所好。两个main dish分别系西冷($280)牛扒及羊扒($265)，全部都好食尤其系羊扒，全无膻味。食完都好满足连甜品都食唔落。由朝食到晚，餐餐都好食，真系快活过神仙，咁样食好易升仙。由今日起都要食番几餐斋至得。