蟹點

营业中

休息中

老公生日陪佢去完海洋公园，梗系同佢食餐好嘢庆祝，老公最钟意食海鲜，一于试吓朋友推介既蟹点。餐厅位于海怡半岛站附近，由海洋公园去都好近，海怡半岛站一出上楼梯就到餐厅，一入餐厅，就见到一个好巨型嘅鱼缸，餐厅以蓝色海洋为主题，地方阔落，而且坐得好舒服，侍应很殷勤为我哋推介菜式。咖喱蟹率先送上，朋友之前已经推介我一定要试吓呢度嘅咖喱蟹，果然冇介绍错，呢只蟹劲大只而且好多肉，应该系肉蟹，蟹肉劲厚而且鲜甜多汁，配上超香浓嘅咖喱汁劲正。我们仲点了薄饼，外脆内软，配上充满蟹肉鲜味嘅咖喱汁一齐食好正😊之后到蟹点小炒王，系餐厅嘅招牌菜式，里面有鱿鱼、韭菜、虾干、仲有腰果，韭菜爽口，鱿鱼同埋虾干都好鲜味，配埋香脆嘅腰果送饭一流👍🏻最后到农家鸡汤杂菜煲，估唔到咁大煲，除了菜之外仲有云耳茶树菇秀珍菇同埋粉丝，蔬菜爽甜，而且吸收晒鸡汤嘅鲜味，配埋粉丝一齐食好正👍🏻青柑桔柚子梳打都好正，青柑桔够晒润喉而且好香柚子味，配埋梳打水好清新👍🏻餐厅食物多元化而且味道一流，除咗中菜仲有泰菜，而且仲有好多优惠套餐可以选择，自携海鲜加工既价钱都好经济，下次可约多啲朋友再嚟试吓其他菜式😬