宗像屋 (已結業)

近排好hit嘅鱼生饭🐒 我系平日7点左右去到 排左半个钟先有得食。呢款鱼生饭系日本流行嘅3食鱼生饭 3种食法分别系：就咁食、包手卷食、加汤当茶渍饭食。个人觉得头2种食法比较好食，因为可以保留到鱼生嘅鲜美，比较原汁原味；而茶渍饭嘅食法则因为汤太咸盖过左鱼生嘅味道，略为逊色。宗像屋提供4种选择，分别系梅、竹、松、特上，每款包含嘅鱼生种类都系唔一样，而我就拣左最平嘅梅。梅入面有9种鱼生，但系因为打碎晒，所以系唔会好似刺身咁食得出鱼生本身嘅鲜美。值得一赞嘅系鱼生份量十足，以$108呢个价钱黎讲系抵食嘅鱼生饭。