鮮‧港式串燒吧 (已搬遷) 新店位置

天生购物狅嘅A姐又去咗骆驼漆大厦扫货，买呀买呀！好似想买起人哋间铺头咁。行行下突然闻到好香嘅烧烤味，原来系一间串烧铺，讲真又真系好耐无食过串烧啦，就系因为咁，我就入咗去鲜 • 港式串烧吧。鸡肾鸡肾腌得好味，入口爽脆，一啲都唔韧，烧得啱啱好！鸡软骨同样好有口感，不过味道较淡，如果落多啲盐烧会好味好多。厚切牛脷牛脷真系好厚身，口感实在。咬落去，啲肉汁标晒出嚟，牛味又够晒浓郁。川烧鸭舌M佬最钟意食鸭舌，一见到就话要嗌。川烧真系够埋辣，又爱又恨！烟肉青椒卷唔系个个人都钟意食青椒，不过我哋两个都好钟意食啦！烧过嘅烟肉真系好香口，好邪恶呀！茄子茄子上面铺满蒜蓉，入口真系劲大阵蒜味呀！茄子烧到仲有少少水分，不过我都系觉得原条烧茄子系最好味。一口蕃薯蕃薯仔，轻轻烧过，一啖一粒，甜味十足。烧磨菇鸡肉饭团无米落肚，真系唔会够饱。烧到有少少焦嘅饭团真系正呀，外脆内软，入面嘅磨菇鸡肉馅好够味。