韓家韓國料理 (已結業)

今日行开官塘见到有韩国野食，仲要炸鸡放题 😋 就上去试下你 我地等左冇耐就有位，本来谂住传单系放题！但睇睇下又想食其他野，最后就单点 🤣🤣首先黎左前菜，有薯仔/泡菜/芽菜，薯仔好入味，又够淋！泡菜我冇试，芽菜都唔错 👍🏻话唔食放题啫，唔代表我唔会叫呀！我地叫左 Classic 甜辣酱炸鸡，个酱汁好好！唔会过多，又或者唔够！个皮仲好脆 ～ 咬落去仲好 juice 添！正呀 ～胡麻豆腐沙律，比我想像中大份！酱汁要捞混佢，唔错呀！食到漏漏地！清一清个口！烧牛肉，呢个虽然唔系我想像中既野！但系味道唔错呀！呢个仲有一碟生菜跟住包黎食架！洋葱好甜呀，牛肉唔会太老 👍🏻 酱汁似日本既甜豉油同味醂煮！好野味 😋我9月去完韩国，突然好想食紫菜波波饭，见佢有我又叫黎食下，呢个有少少失望呀！可能我谂住佢除左紫菜仲有𩠌啦！味道有少少斋左！建议店主可以加吞拿鱼或其他野试下！红醋梳打生姜梳打，跟黎多左罐雪碧，我以为咁抵饮？但后黎我有俾番侍应！应该送错🤣