東記粉麵家

营业中

休息中

除了新一代青年人外，不少人九龙东人都会认识官塘巴士总站隔离嘅粉面街。G字头嘅店舖，原先系一间百货店，店舖里面有好多化妆小姐，当时官塘真系好旺，用繁荣呢个词语都好适合，店舖隔离行仔行入去就系大家所讲嘅粉面街。粉面街成条行都系卖粉面，由街头行入去就系间小书店，有好多人买完书，就会行入粉面街到食返碗面，立即睇吓刚买嘅书。粉面街除咗做街坊生意之外，仲有不少由官塘工业区过去食嘢嘅食客㗎~而小编呢就最喜欢去粉面街入面一头一尾嘅粉面店喇~ 其实唔讲大家都未必知，其实头尾两间店嘅老板系两兄弟嚟㗎~ 自从粉面街拆咗，有不少都结业冇再做落去，而呢间东记就系粉面街中，喺书店旁边嘅粉面店，街尾𠮶间粉面店，就开咗喺瑞和街街市附近。其实东记喺搬迁之后，小编喺好多年都揾唔返，就喺今年新年时，终于俾小编去揾得返，仲得悉街尾面店搬迁后位置㖭~店内嘅实心木凳，天花嘅吊扇，加埋支装汽水，真系好怀念啊… 小编叫咗喜爱嘅牛筋牛肚米，牛腩汁嘅汤底加上葱花，味道更加香同好味。牛筋够淋而不散栏，牛肚好入味，米粉煮得软硬恰当，整体都好好。