影片
更多
2017-08-12
1676 浏览
最近朋友睇杂志发现Flaneur依间餐厅，再上上网睇风评几好，而且，二百零蚊就有一道有5款海产嘅海鲜拼盘，睇杂志介绍仲唔喺用普通货色，性价比非常高，所以，走访一试。餐厅位处幽静嘅官涌街，外貌有啲法式小馆嘅影子，故此，都唔难揾。室内以黑白为主调，最特别喺窗口采全开放式，再加置少少盆栽，加添清新气息。配合柔和嘅灯光，以及轻漫嘅音乐，使气氛轻松。不过，温馨提示，因为窗口外设吧位，又俾人食烟，故遇上有人食烟，坐晌较近门口位置嘅地方，会闻到轻彻烟味，亦因此，我哋都要求调到最入嘅餐枱避一避。餐厅好简单，一面喺食物：前菜、意大利面、主菜、烧烤、甜点，选项唔算多，属贵精不贵多嘅格局。另一面就喺饮品：红白餐酒、香槟、啤酒、烈酒、鸡尾酒、汽水、果汁……等等，选择算多。就算唔嚟食嘢，都好啱饮吓酒嘅朋友。此外，每日3:00pm-8:00pm更设有欢乐时光，啤酒配串烧，都只喺卖$48，定价吸引。就算以上优惠唔啱，有唔少饮品晌欢乐时光时段都有优惠价，所以，我哋都拣咗啲非酒精鸡尾酒嚟饮。Green Summer Cooler $45（正价$55）外面天气鬼咁热，故拣杯凉透心嘅Green Summer Cooler降
室内以黑白为主调，最特别喺窗口采全开放式，再加置少少盆栽，加添清新气息。配合柔和嘅灯光，以及轻漫嘅音乐，使气氛轻松。不过，温馨提示，因为窗口外设吧位，又俾人食烟，故遇上有人食烟，坐晌较近门口位置嘅地方，会闻到轻彻烟味，亦因此，我哋都要求调到最入嘅餐枱避一避。
餐厅好简单，一面喺食物：前菜、意大利面、主菜、烧烤、甜点，选项唔算多，属贵精不贵多嘅格局。
另一面就喺饮品：红白餐酒、香槟、啤酒、烈酒、鸡尾酒、汽水、果汁……等等，选择算多。就算唔嚟食嘢，都好啱饮吓酒嘅朋友。
此外，每日3:00pm-8:00pm更设有欢乐时光，啤酒配串烧，都只喺卖$48，定价吸引。
就算以上优惠唔啱，有唔少饮品晌欢乐时光时段都有优惠价，所以，我哋都拣咗啲非酒精鸡尾酒嚟饮。
Green Summer Cooler $45（正价$55）外面天气鬼咁热，故拣杯凉透心嘅Green Summer Cooler降吓温，净睇样都爽晒；以姜啤、菠萝汁、青柠汁及薄荷糖浆混合而成，卖相醒神，入口清爽，可谓凉意直送。
Rose Ladies $45（正价$55）老友杯点咗Rose Ladies ，佢话上网睇人贴出嚟嘅相好靓，就哋呢个原因拣佢。用咗玫瑰糖浆、荔枝糖浆、红莓汁同菠萝汁沟成，再放上几玫瑰花瓣，的确好吸晴。味道方面，清味带果香，微微酸感觉唔错。
咖喱烧鸡墨西哥烤饼 $58老友未食过墨西哥烤饼，所以，对此菜式颇好奇，虽然佢摆晌主菜类，但似前菜多啲。一客有3件，薄薄哋咁填满咖喱鸡肉，啲烤饼外皮颇脆口，鸡肉亦嫩滑，但最欣赏喺再混入菠萝，晌咖喱中添加一份清甜味。
咖喱烧鸡墨西哥烤饼
$58
17 浏览
0 赞好
0 留言
烤美国猪背骨 $88小弟就喜欢食肉，所以，拣半份烤美国猪背骨，而全份就卖$158，但两个人食半份就啱啱好，半份有4支骨。因喺猪背骨，比猪肋骨厚肉啲，所以啖啖肉，落刀𠮶吓已感受到啲肉好松化，轻易骨肉分离，食落果真软腍松化，口感一流，又带有浓浓烟熏香味，伴菜嘅栗米亦好清甜，无话烧干水，依道菜绝对值得推介。
烤美国猪背骨
$88
16 浏览
0 赞好
0 留言
烤海鲜拼盘 $248万众期待嘅烤海鲜拼盘卒之登场，亦喺今晚嚟呢度嘅目标，现场睇见份拼盘跟睇相真喺有少少感觉唔同，震撼感会多啲。整份拼盘早已晌餐牌写明有全条烤鱼、蚝、带子、珍宝虾及软壳蟹，垫底有唔少沙律菜，但无作任何酱汁调味，亦无葡萄伴碟，依个细节位执执感觉更好。
烤带子以惯常嘅蒜蓉嚟做，喺较惹味嘅做法，侍应话北海道帆立贝，唔怪之得啲带子咁鲜，入口鲜甜，质感爽口。
焗蚝同以蒜蓉嚟做，蚝味都几够，但小弟就觉得可以考虑改改配烟肉碎，咸香嘅烟肉更能吊出蚝味，而且，唔使跟带子咁又喺蒜蓉嘛！
烧珍宝大虾初时以为喺越南大头虾，侍应话喺泰国货，水准一样不俗，虾肉爽弹鲜甜，虾膏唔少，够晒甘腴。
酥炸软壳蟹炸到极为酥脆，入口「咯咯声」，但又一啲都唔油，不过，感觉就有少少干身，所以，沾点烧汁会效果好啲。
烤全条花鱼见人哋啲食评写喺日本嘅「喜之次」，可谓不惜工本，但唔知喺咪成本问题，抑或来货问题，是夜嘅全鱼只喺日本花鱼，简单开边洒盐烧，卖相好睇。鱼肉嘅口感较实净，但鱼味浓，却有啲咸，若非插咗支烧烤叉，可能错以为喺「一夜干」呀，哈哈！
烤焗棉花糖香蕉朱古力批 $48餐厅嘅甜品选择唔多，就只有3款，虽然当中嘅烤焦糖菠萝喺店方推介，但我哋就想见识吓个棉花糖香蕉朱古力批多啲。热烘烘出场，面层铺满棉花糖，散发出阵阵香味，一羹插到底，有类似布朗尼垫底，再一层香蕉果肉，不过，啲棉花糖化得好快，下面嘅香蕉同朱古力浆又融为一体，所以，啲相影得麻麻，但个朱古力批真心好食，浓香湿润，不过，要有少少心理准备，因夹杂好多棉花糖，喺少少偏甜。
整晚嘅上菜速度啱啱好，一道菜接一道菜，不急不缓，食得好轻松，而侍应嘅招呼好到位，添水、换碟都做到足，又好礼貌，让人感觉自在。加上环境、食物都好，真喺官涌街一个小发现，值得再嚟。
张贴
