雲壽司 (聯成商業中心)

营业中

休息中

见到好多好评，又系谂住带女朋友嚟试吓嘅时候，可惜有啲失望。坦白讲，呢个价钱一定有更好嘅选择，虽然佢餐单上有好多好多刺身同寿司款式，不过个人觉得新鲜度未够。午市定食价钱可以接受，不过晚市或者散叫定价真系太高。叫咗个北海丼，期望会有好多海鲜刺身，刺身都算系厚，但系唔够冻，特别系海胆有少少腥臭味，而且寿司饭嘅酸度唔够。赤贝比较细，食落口感唔够爽口。顺带一提，餐厅嘅豉油比较咸，大家千祈唔好加太多！今餐真系失望而回。