Good Good (已結業)

二访Good Good，无论主食同甜品都睇得出店家嘅用心，佢嘅特别之处在于会令你欣赏平时唔太钟意嘅食材，每次食完都觉得心灵得到慰籍，满足地离开。本来见佢出左Peach Pavlova想约朋友再访，可惜店家买唔到合适嘅西班牙扁桃同日本水蜜桃要紧急下架，希望桃季完之前有缘一试。 🍽菠萝嘅海 ($68)创意满分嘅甜品，由烧金钻凤梨、菠萝紫苏雪葩、气泡海洋、菠萝忌廉芝士、柠檬橄榄油同燕麦脆脆组成，紫苏雪葩真系第一次食，估唔到同菠萝又几夹，忌廉芝士软滑creamy，最有惊喜系𠮶片用sparkling water整嘅啫喱海洋，利用佢略带咸味同气泡嘅特性，完美地将海水嘅咸同海浪跃动嘅特点呈现出黎。 🍽炭烧咖啡蛋卷 ($58)
蛋糕有弹性唔干，忌廉轻盈顺滑，内藏啫喱，咖啡味道浓郁。 🍽五目天丼 ($118)上次食过嘅五目天丼，即羽衣甘蓝、南瓜、茄子、芦笋同溏心蛋天妇罗饭，粉浆薄又脆，食落唔太油腻，溏心蛋半流心，有趣嘅系阿妹本来唔钟意羽衣甘蓝，喺我强烈推荐下试左一小片，之后就叫我分多啲畀佢，只能讲Good Good真系Good Good。顺带一提，面豉汤好饮。餐牌：