Yuyu Sushi

营业中

休息中

今日同一個住喺長沙灣嘅朋友食飯，佢帶咗我去佢經常去既抵食日本餐廳。入面樓底相當高，燈光溫和，加上座位闊落，所以特別舒適。定食包埋沙律、麵豉湯同茶碗蒸。茶碗蒸非常滑，不過略嫌蛋味唔太突出。另外沙律同麵豉湯冇咩特別。不過主食就非常驚喜。蒲燒鰻魚玉子丼好大份。鰻魚有三大件，肉身夠厚，外層焦香。蛋亦炒得非常香滑。我同朋友一人一件手卷。我叫左香蔥吞拿魚手卷。入面有吞拿魚蓉，上面鋪左大量香蔥，非常肥美，入口充滿油香。小食方面叫左炸軟殼蟹，外層非常脆口，仍然嚐到入面鮮甜嘅蟹肉。又係軟殼蟹啊！最後叫咗牛油果軟殼蟹卷，牛油果切絲代替紫菜包住壽司，幾特別。牛油果中和返炸軟殼蟹嘅膩，正！估唔到長沙灣有間咁高質性價比高既日式餐廳，可惜我住嗰個地區冇，如果唔係日日食。