妖怪 (已結業)

我嗌咗个松叶蟹肉甜虾丼，松叶蟹肉纤维鲜明，配以赤醋饭嘅微酸更能带出无比甘甜嘅蟹香味，一啖一满足！😋👍🏻 甜虾唔洗讲，色泽亮丽，完全鲜甜，零雪味～🥰友人就嗌咗烧鳗鱼饭定食，鳗鱼份量都几多，目测起码有四大件，而且件件都成个丼饭盒咁长，仲好厚肉添呀😍 唔系隔离饭香，而系真系好香！一上枱就闻到香喷喷嘅炭烧味，试咗少少🤏啖啖肉而且鳗鱼汁浓郁得嚟唔会过咸，就连啲饭都好入味，好出色👏🏻今餐真系非常满足！对于餐厅嘅各方面都好满意❤️ 见到隔离枱啲串烧卖相都好靓，离远都闻到好香～有机会一定会再嚟，试下呢度啲串烧🙆🏻‍♀️