名 料理 (已結業)

名 料理约咗几个朋友嚟到大尾督踩单车，早到嚟食个lunch 先。哩间日本餐厅望落环境几靓，好有日本风味。我同朋友叫咗2个lunch set加多客鸡泡鱼干。-------------------------刺身拼盘定食 $108刺身有油甘鱼，牙带鱼，三文鱼同牡丹虾刺身鲜甜，三文鱼味浓郁。刺身几厚身，一啲都唔吝啬日式辣豚肉碎汤乌冬 $68乌冬又好滑口肉碎超惹味，少少甜得嚟偏香辣，又辣得几过瘾烧鸡泡鱼干 $58闻落有啲似烧鱿鱼，好香食落有咬口，烟韧唔干，有浓浓嘅鲜味仲配埋沙律酱，系好好嘅下酒菜，大推 🤤-------------------------食完lunch 老板介绍咗新出嘅$178 4小时自助烧放题，睇落系几抵玩抵食。同friends 喺大尾督踩完单车兜咗个圈又嚟又开始肚饿啦。一于试埋哩个新出BBQ放题 😚食物种类都几多，除咗串烧，仲有沙律小食、炸物煮物、卷物、乌冬、饭选择老板话餐厅有自己嘅真空机，所有肉都系自己腌自己装袋，所以腌料更加入味，仲卫生啲𠻹自己最钟意猪颈肉同多春鱼猪颈肉油脂丰富，烧出嚟超级juicy，但食落又好爽口多春鱼烧完好香，成肚都鱼籽，一啖食落去，一堆鱼籽喺口入面