定食8 (已結業)

平时7点至8点既时候经过悦来坊定食8都见到好多人排队，但都未曾一试，琴晚9点先去食晚饭，岩岩好见到无咩人排队就入去一试啦。佢地个餐单会依照季节变化而转换菜色，基本上会有8款定食选择，另外有单点小食。今次我选择左岩盐牛排定食，牛排份量比想象中多，旁边仲放有开胃冷盘，饭，汤，甜品，摆放精致。牛排烧得适中刚好，切开牛排中间仲见到少少红色，第一块我无点盐食先试试原味，食落口牛肉味慢慢渗出，口感软嫩不发柴，第二块点盐食，味道更加提升见到隔离枱既赤虾刺身好似唔错，之后我地都叫埋一份。果然无叫错，赤虾够冻而且好鲜甜，配埋个秘制酱汁，鲜味一流。温馨提示：有些小食餐牌可能见唔到有，去到收银位先见到有其他额外单点小食可选择。炸物小食我地叫左两样，第一样系海苔多春鱼。多春鱼炸得好脆，咬开入面好多鱼籽，真系好味另外一样炸物系多春鱼籽虾球，咬落弹牙，但同一般虾球一样味，所以无惊喜，一般一般。呢度有自助区，白饭任添，仲有三文鱼汤任饮。