影片
更多
2019-07-22
261 浏览
之前一直想食楼上餐厅，但次次都俾下面美食站吸引，其实重点系上面啲嘢一定要有枱先食到，人太多好难揾位，今次决心要食，仲刚好做小龙虾派对。龙虾仔浓汤，小龙虾派对自然要食返啲小龙虾应吓节，味道够浓，充满小龙虾头嘅味道，仲带有小龙虾肉粒。小食拼盘-新，美食站基本小食加粟米，健康啲。有个新字，旧款唔知系点？价钱同下面差唔多，质素都系，鸡翼太干之前下面都试过，但今次干得有啲过份。烧特级西冷配牛肝菌汁，全熟西冷，但唔硬，连边位脂肪都好软熟，第一次食扒可以连脂肪食！有肉味，酱汁同佢感觉太接近，做唔到提味。配菜新鲜，炸薯球入面系纯薯蓉，食时已经唔脆，纯粹比食薯蓉方便同多个口感。香烤三文鱼柳伴薯蓉，望落似煮多过烤，肉质滑，有鱼香，似用低温煮，酱汁香浓带芝士味，唔错！但配梗大份薯蓉唔太够汁。三重芝士焗小龙虾扭纹通心粉，又一精选款，食唔出有三重芝士，焗得几干，中间只有一次仲有拉丝，蕃茄仔同小龙虾都几多，成份都系鲜蕃茄味，唔系用茄酱，几抵食，只系每碟配菜都已经有蕃茄仔，依度再嚟成碟，就算依度焗到半熟味道有啲分别，都感觉唔想食，太多了！白桃新地筒，对佢嘅芝士蛋糕无兴趣，落去先食甜品，今期白桃叫不过不失，无上期柚子
之前一直想食楼上餐厅，但次次都俾下面美食站吸引，其实重点系上面啲嘢一定要有枱先食到，人太多好难揾位，今次决心要食，仲刚好做小龙虾派对。
龙虾仔浓汤，小龙虾派对自然要食返啲小龙虾应吓节，味道够浓，充满小龙虾头嘅味道，仲带有小龙虾肉粒。
小食拼盘-新，美食站基本小食加粟米，健康啲。有个新字，旧款唔知系点？价钱同下面差唔多，质素都系，鸡翼太干之前下面都试过，但今次干得有啲过份。
烧特级西冷配牛肝菌汁，全熟西冷，但唔硬，连边位脂肪都好软熟，第一次食扒可以连脂肪食！有肉味，酱汁同佢感觉太接近，做唔到提味。配菜新鲜，炸薯球入面系纯薯蓉，食时已经唔脆，纯粹比食薯蓉方便同多个口感。
香烤三文鱼柳伴薯蓉，望落似煮多过烤，肉质滑，有鱼香，似用低温煮，酱汁香浓带芝士味，唔错！但配梗大份薯蓉唔太够汁。
三重芝士焗小龙虾扭纹通心粉，又一精选款，食唔出有三重芝士，焗得几干，中间只有一次仲有拉丝，蕃茄仔同小龙虾都几多，成份都系鲜蕃茄味，唔系用茄酱，几抵食，只系每碟配菜都已经有蕃茄仔，依度再嚟成碟，就算依度焗到半熟味道有啲分别，都感觉唔想食，太多了！
白桃新地筒，对佢嘅芝士蛋糕无兴趣，落去先食甜品，今期白桃叫不过不失，无上期柚子味梗过，但都系罐头味，只系味道淡淡地更易入口，中间仲有小块冰，又无奶味，依个价其实唔值。精选款楼上三款，楼下两款，小龙虾柑橘沙律见佢菜系好多，但小龙虾好似得几只唔太值；香草烧小龙虾唔认为会烧得几脆，性价比唔高。美食站嘅小龙虾芝士挞都想试，另外餐厅有个芝士薄饼好似都几好食，只系真系食唔到梗多，小龙虾派对做到15/8，要食小龙虾就快啦！
张贴
