米走雞 (渣甸中心)

营业中

休息中

原来已经系第9次嚟「米走鸡」食鸡煲，今次一于由二家姐发板食乜，无谂过佢居然会Order咗大份嘅鸡煲，实现鸡煲自由！*此餐厅收取加一服务费。大份火焰麻辣鸡煲（单点$258），小辣，表面铺满洋葱、芫荽、辣椒，鸡件份量多，肉质嫩滑，鸡味浓厚，食落带有少许酒味，配以秘制麻辣鸡煲酱汁食用，辣度3分。半份蟹柳（单点$26），食落有鲜味，略嫌份量比较少。半份芝士肠（单点$26），脆皮芝士肠，芝士流心效果突出，味道咸香。半份萝卜（单点$24），口感腍身、无渣，味道清甜。酱汤（两人$36），包括有炸蒜、蒜蓉、芫荽、香葱、麻酱、指天椒、豉油。壶装冰清热银菊露（单点$78），内有菊花、杞子，饮落甜度适中。