餃掂手工餃子雲吞專門店

每当想食饺子，都会谂起饺掂，呢度啲饺子真系好出色，无论咩口味都啱食。饺掂分店仲唔少，食过几间都keep到质素，是晚就黎左中环店度食。店内唔大，有几张二人枱同bar枱位，大枱就得一张。坐低后快快落单，好肚饿呀，叫多几款🥟饺子先。🥟龙凤松茸煎饺朋友话想试下佢哋个招牌松茸饺，就叫左呢款龙凤饺，切碎嘅松茸再混合左黑白松露，一笃开只饺子啲松露味已经涌出黎，超香🤤煎得外脆内软，饺子皮薄馅料多，正👍🥟云耳椰菜猪肉煎饺另一款就叫左椰菜饺，味道就比上面嘅松茸饺淡好多，但椰菜加埋云耳食落口感丰富，煎得同样香脆，都好好食😚🥟芫茜猪肉汤饺最后仲叫左一款汤饺，系至爱的芫茜饺，芫茜味好香。另一样钟意汤饺嘅原因系附送嘅状元九鼎汤好好饮，无味精得黎汤头清甜，好饮好饮😌🥚日本龙凤蛋配黑白松露酱谂住净系食饺子有啲闷？叫左份溏心蛋食下，绵绵滑滑嘅蛋黄好正，个松露酱都好香。满足满足，记得加埋枱上嘅辣菜脯、🌶️辣椒酱同陈醋，加完又系另一种口味👏