影片
更多
2023-07-26
35 浏览
🍽呢排天气咁热最啱就系行商场，今次嚟到北角汇揾食，见呢间西餐厅个view有海景咁正，就响呢度开餐啦！Brunch Menu 我哋叫咗 English Breakfast $168🔹️平时食开English Breakfast 多数用沙律菜，呢度比较特别用西兰花，我反而几钟意🥦西兰花，仲有杂菇、烟肉、煎蛋、肠、蕃茄、茄汁豆同面包。份量好足，一个人食超饱。炭烧牛肉汉堡 $188睇仔仔张相同个汉堡合照都睇得出个汉堡有几咁巨大，直头同仔仔个头部有得比，内𥚃块牛肉厚过我手掌，汉堡入面配料仲有煎蛋、芝士、蕃茄、生菜同烟肉。配菜薯角炸得出色，又香又脆。龙虾及大虾意大利饭 $198我最推荐呢款Signature dishes，龙虾肉到大虾多到食极都食唔完，个意大利饭充满海鲜浓汤好惹味。Vanilla Milkshake 夏日冰凉之选，唔太甜，大大杯，食完热辣辣食品饮一啖，爽！Mango Smoothies冰凉解渴，啖啖真芒果肉，加上足料芒果打成蓉，饮完成个人都凉爽晒。甜品 • 心太软外脆内软嘅香浓朱古力，切开后流心朱古力酱涌出，配埋雪糕食一冷一热口感一流。🐶宠物友善餐厅值得一提，餐厅设有户外座位可以带埋
Brunch Menu 我哋叫咗 English Breakfast $168
🔹️平时食开English Breakfast 多数用沙律菜，呢度比较特别用西兰花，我反而几钟意🥦西兰花，仲有杂菇、烟肉、煎蛋、肠、蕃茄、茄汁豆同面包。份量好足，一个人食超饱。
炭烧牛肉汉堡 $188
睇仔仔张相同个汉堡合照都睇得出个汉堡有几咁巨大，直头同仔仔个头部有得比，内𥚃块牛肉厚过我手掌，汉堡入面配料仲有煎蛋、芝士、蕃茄、生菜同烟肉。配菜薯角炸得出色，又香又脆。
龙虾及大虾意大利饭 $198
我最推荐呢款Signature dishes，龙虾肉到大虾多到食极都食唔完，个意大利饭充满海鲜浓汤好惹味。
Vanilla Milkshake
夏日冰凉之选，唔太甜，大大杯，食完热辣辣食品饮一啖，爽！
Mango Smoothies
冰凉解渴，啖啖真芒果肉，加上足料芒果打成蓉，饮完成个人都凉爽晒。
甜品 • 心太软
外脆内软嘅香浓朱古力，切开后流心朱古力酱涌出，配埋雪糕食一冷一热口感一流。
🐶宠物友善餐厅
值得一提，餐厅设有户外座位可以带埋爱犬一同用餐。
📍Harbourview Grill
张贴
