新漢記飯店 (已搬遷) 新店位置

  今日见放假, 梗系同屋企人食下饭啦, 咁撞O岩中午又一家四口齐晒脚, 老豆就话去新汉记食下客家菜咁话 因为我第一次去咋, 见佢D装修都简简单单, 同普通茶餐厅又有D分别咁, 带少少酒楼FEEL, 都算几舒服, 几亲切既感觉, 不过原来中午都除左午餐之外, 仲有好多小菜可以食, 都几好到点菜, D员工话, 原来佢地系全部无落味精既, 咁当然要试下先知啦, 跟住我地就点左韭菜炒河虾, 红蒽爆吊桶, 黄酒煮鸡, 客家炖肉饼, 一品炒鱼面到上菜当然急不及待要食野啦, 因为都饿嘛, 咁因为我地一家都系客家人黎既, 所以对食物当然有要求啦, 风味睇下似唔似乡下阿婆煮既先, 因为我地每年新年都会返去探亲一次, 每次返到去都食到肥几磅返香港, 所以, 今日咪试菜咁试啰, 我心谂, 哈哈河虾, 穏阵野唔洗点讲, 不过肉饼, 黄酒鸡 同 鱼面就超正, 肉饼肥瘦适中, 入口咬感十足又不失肉味, 黄酒鸡完全系我阿婆既味, 无得输, 酒味浓郁, 鸡又滑, 仲有啖红枣味 好食鱼面, 问左伙记系用九棍鱼打既, 唔怪得特别弹牙又有鱼味最后食到停唔到好, 清晒枱TIM, 感觉好正, 中餐又系我成日会食既, 一定会成