嚐喜大不同特色餐廳小廚

营业中

休息中

门面唔算特别，侍应布局好有大排档feel，繁忙时间需要等位，等位时间有啲长，但系非常值得。好正！食物质数出奇地有惊喜，试咗脆皮牛腩，啫啫芥兰煲，腊肠滑鸡煲仔饭。脆皮牛腩，半肥瘦，油脂香浓，炸浆脆皮非常松脆，捞埋咸蛋黄，味道层次丰富，口感松脆肉质软滑，令人有入口即溶嘅错觉。啫啫芥兰煲用芥兰苗，配埋虾干，惹味爽脆。腊肠系广东腊肠带甜，好味，煲仔饭饭质啱啱好唔啱唔软，有劲多饭焦，钟意饭焦嘅人必食，煲仔饭豉油味道适中唔太咸，非常之好食。姐姐们好细心，系上菜时间慢啲，等嘅时间比较长，因为太多人嘅关系，但系好嘅食物系值得等待嘅。