泰斗 (中達大廈)

营业中

休息中

唔知点解食泰国菜好似坐室外会特别好feel，叫埋支泰象啤就更完美喇！嚟到尖沙咀嘅泰斗，特意book咗室外嘅位置，好写意咁叹吓我哋嘅晚餐，同楼下繁忙嘅海防道相映成趣。如果你怕热嘅，其实餐厅亦有室内冷气位置。大头虾冬荫功汤冬荫功系一样我哋少有极端嘅嘢食，因为我就好钟意，相反A姐一向都唔太钟意。不过，其实酸酸辣辣嘅冬荫功确实好开胃，份量非常多，足足有成4碗！更重要系材料十足，入面有唔少泰式香料，所以味道好丰富好有层次，但就略嫌虾肉有少少梅。小食拼盘拼盘有有泰式鸡卷、鱼饼、虾饼、素春卷。全部炸得好香口，我哋一致钟意虾饼，入面劲多虾肉，够晒弹牙；泰式鸡卷炸得劲脆，入面鸡肉劲多肉汁。记住要点埋泰式辣酱，就更加惹味。盐烧牛舌两串牛舌，烧得啱啱好。一串有四块，咸香味十足，肉质软腍，劲香牛肉味，加埋秘制酱汁，又香又辣，好好味呀！新派美味老虎虾餐厅嘅招牌菜之一，上枱前仲会淋上酒，形成火艳烧虾。老虎虾大大只，够晒弹牙，至于酱汁香浓，除咗带有微微嘅酒香，仲有焦香味，味道好有层次。泰式虾肉炒金边粉呢个泰式虾肉炒金边粉新鲜炒起，炒得好有镬气，味道酸酸甜甜，记住捞埋花生粒同青柠汁呀！另外一赞系劲多鲜虾，非常抵食。