INN - I’m Not Nothing (裕民坊YM²)

营业中

休息中

以前喺九龙湾返工嘅时候经常去INN食午餐。虽然已经唔系九龙湾返工，我都有少少挂住INN，今次决定同女友去一次INN，不过系观塘分店。INN有室内同室外座位，颜色以白色为主调，天花挂上华丽水晶灯，加上雕塑，令人感觉系宫廷入面进餐。至于户外有花草作点缀，恍如置身法国街头🇫🇷主菜加$38可以有饮品同餐汤，餐汤系南瓜汤，质感比较稀身，上面嘅面包条好脆。- 黑松露配薯条薯条份量超多，非常香脆。上面洒上黑松露碎已经非常香，旁边嘅黑松露酱令味道升华左一个层次🥰- 油浸法国鸭髀配蜜桃砵酒汁鸭髀皮酥肉嫩，餐厅用左黑醋、红酒及樱桃汁煮成，味道酸甜开胃。旁边嘅蔬菜都好好味，包括椰菜花、绿豆、芦笋同焗薯仔粒。- 法式海鲜汤．蒜蓉蛋黄酱餐厅将呢度菜式放系’Pasta & Risotto’到，令我以为系配意粉或者饭，点知真系一大碗汤😂。入面海鲜包括青口、蚬同虾，汤完全吸收晒海鲜精华，味道颇咸。蒜蓉蛋黄酱配搭海鲜味道一流。汤碗既旁边放上三片法式长棍，无论浸汤定配蒜蓉蛋黄酱都唔错。- 牛油果奶昔饮落完全唔似牛油果，味道几甜，好有饱肚感。整体而言，环境好出色，INN食物唔系一般大众西餐食物，当中以油浸鸭脾最好味。