夏宮

营业中

休息中

早前分享过奇华饼家嘅「鸳鸯奶皇」，喺今年食嘅第一个月饼，中秋佳节，月饼嘅嘢边会一次过食得晒，所以食啲又写啲，而第二个食到嘅港岛香格里拉酒店中菜馆夏宫嘅出品，依份厚礼喺公司客送嘅，故此，就自然喺酒店级高档货色。既然喺客送嘅，当然恭敬不如从命 ，一到下午茶时间，同事就自动波切嚟一齐分享。不愧喺五星级酒店货色，外盒采用香槟金，包装已经显得宁舍高雅；而内里8个「迷你蛋黄白莲蓉月饼」加以橙红色纸盒再以独立包装处理，甚具东方色彩，咪睇佢啲盒仔一高一低唔整齐，原来刻意设计，方便抽出嚟 。月饼印上「夏宫」二字，线纹清晰，一刀切落去，回刀已见到咸蛋黄嘅黄油，打开一睇，直头流晒油，而且，饼皮够薄。入口，白莲蓉软滑清香，就算喺白莲蓉，甜腻都在所难免，不过，呷啖茶，又一小啖月饼，感觉会喺不一样 。多谢个客，等我哋有多日嘅蛋黄白莲蓉月饼下午茶，乘机松一松，抖一抖！