滾得囍宮廷火鍋小炒

营业中

休息中

天气凉浸浸紧系要打边炉啦，朋友约左我去呢间宫廷风嘅滚得囍，仲可以著埋衫角色扮演，好盏鬼。康熙花胶鸡汤锅汤底好浓郁，花胶一大片，店员会帮手剪开放入汤到，我地叫左半只鸡，鸡肉好嫩滑，骨胶原爆灯。手切本地牛颈脊牛颈脊肉质软林，牛肉味道浓厚。黑栢叶新鲜爽口弹牙。滚得囍宫廷饺子拼盘有几款口味，全部都系自己整，饺子皮薄馅多，我最中意黑松露野菌饺。黄金双拼系即炸响铃同炸鱼皮，好邪恶好好味，新鲜炸起脆卜卜，加上咸蛋黄非常惹味。滚得囍丰盛杂菜拼盘份量种类非常多，杂菜新鲜爽脆。竹蔗茅根 清热气一流，味道唔会死甜。