宴 尖沙咀

一次同女朋友出门喺尖沙咀揾到呢间【宴】，感觉系一间非常特别嘅日本餐厅。后来发现佢哋有日式火锅放题，直接同女朋友喺呢度食晚饭。呢度环境好好，好有格调，气氛亦都好足够，喺呢度用餐会特别放松，而且食材都非常高级。我哋叫咗佢哋嘅松餐放题，好多𩠌都系任食嘅。火锅嘅汤底系猪骨汤拼酱油汤，猪骨汤嘅香气非常浓郁，然后酱油汤闻起嚟亦都系非常鲜嘅。呢度上等和牛都系无限任食嘅，和牛肉质雪花非常靓，落汤涮后肉质好嫩，油脂都被煮出嚟，非常之香。而且佢哋嘅豚肉亦都唔输和牛，肉质亦都好细腻，肥瘦相间，口感好滑嫩，加埋汤底嘅鲜甜，肉非常好食。可以无限任食嘅仲有松叶蟹，松叶蟹嘅肉真系非常清甜，有淡淡嘅鲜味，味道非常之香，肉质仲好细腻，真系食咗就停唔落嚟。刺身拼盘亦都系好新鲜嘅，每一种海鲜都能够食到鲜味，卖相同味道都系一流嘅。呢间放题真系非常唔错，非常推介畀大家！