麥上日光 (已結業)

大家好～话说近来报了一个课程系尖沙咀(嘴)上堂，由于上堂时间系夜晚７点半至九点半，放工之后食左个素面就动身去上堂，去既时候沿途经过了一间面包店，门面望落去好有格调，虽然铺头细细但都几抢眼，于是行左入去谂住买番个包做宵夜。其实，选择都相当多，以大包为主打，我去既时间是７点多，已经有１００蚊４个包的优惠，但我人仔细细实在食唔晒，于是我就买左一个写住＂ＮＥＷ＂既紫薯芝士竹炭包，单购３５蚊，其实都几贵左，但包的卖相都几吸引，所以都抵既，而且虽然系半个，但好够，咬落去系松软的包皮，全黑因为是竹炭，咁这个竹炭唔系烧个Ｄ而系食用竹炭，食用竹炭不仅能吸附体内垃圾，起到排毒作用，不过我食既时候唔多感受到芝士味，反而系好重ＣＲＥＡＭ咪，非常非常之ＣＲＥＡＭＹ，由于我唔多钟意ＣＲＥＡＭ，下次会买其他硬包，但如果系好钟意ＣＲＥＡＭ既朋友就会好钟意啰，仲有可能我上堂听书都累了，宵夜甜一甜，一觉到听朝，都几幸福呢～～～