影片
更多
2009-09-25
40 浏览
昨晚师傅一条友夜夜都未食饭, 到左凌晨终于支持唔住, 落左楼下揾野食; 由于凌晨后选择唔多, 所以都几头痕! 啱啱行过见到呢间食店, 虽然唔系一盅两件, 但凌晨时份仲有点心食, 师傅都觉得唔错, 于是就决定入去试下!一坐底伙计就问师傅饮咩茶, 真系估唔到一间茶餐厅格局嘅食店,竟然做得咁仔细, 值得一赞; 于是师傅就叫佢开壶香片黎饮下先! 循例地洗下杯洗下碗筷, 接下来当然系黎一口热茶啦, 坦白讲以一间唔系茶楼嘅角度黎讲, 呢壶茶确实不错, 香片清香, 味道可口适中, 不淡不浓, 饮得出落左唔少茶叶, 不错!接下来当然系睇下有咩好食啦, 望下个餐牌, 师傅觉得价钱又唔算特别平, 小点都要十一蚊, 中点就十三蚊而大点就十五, 好彩冇特点, 相比起一般酒楼, 其实算贵, 好多酒楼小点都系八个八式更平, 但呢度就免茶免加一, 所以在乎你点睇喇! 望左一阵, 师傅最后柯打左春蛋烧卖, 叉烧肠粉同凤爪排骨饭!话咁快就有得食, 原来叫盅饭系有例汤送添, 师傅当然老实不客气啦, 一兜有成枱都系野, 有冇点儿过份呢? 先讲下个凤爪排骨饭, 凤爪有一只, 都算几入味, 可以啦; 而排骨就几多, 但系骨多过
一坐底伙计就问师傅饮咩茶, 真系估唔到一间茶餐厅格局嘅食店,竟然做得咁仔细, 值得一赞; 于是师傅就叫佢开壶香片黎饮下先! 循例地洗下杯洗下碗筷, 接下来当然系黎一口热茶啦, 坦白讲以一间唔系茶楼嘅角度黎讲, 呢壶茶确实不错, 香片清香, 味道可口适中, 不淡不浓, 饮得出落左唔少茶叶, 不错!
接下来当然系睇下有咩好食啦, 望下个餐牌, 师傅觉得价钱又唔算特别平, 小点都要十一蚊, 中点就十三蚊而大点就十五, 好彩冇特点, 相比起一般酒楼, 其实算贵, 好多酒楼小点都系八个八式更平, 但呢度就免茶免加一, 所以在乎你点睇喇! 望左一阵, 师傅最后柯打左春蛋烧卖, 叉烧肠粉同凤爪排骨饭!
话咁快就有得食, 原来叫盅饭系有例汤送添, 师傅当然老实不客气啦, 一兜有成枱都系野, 有冇点儿过份呢? 先讲下个凤爪排骨饭, 凤爪有一只, 都算几入味, 可以啦; 而排骨就几多, 但系骨多过肉, 加上肥糕颇多, 如果空口食就真系麻麻, 但连饭一齐食亦免强可以啦; 饭粒就略嫌硬少少, 落少少豉油点缀下, 咁会好味d, 就算唔好味都会变得好味好多, 呢d就系盅仔饭豉油嘅神奇之处; 而例汤系青红萝卜汤, 味道清甜冇味精, 又唔油腻, 唔使钱就叫做好抵饮!
春蛋烧卖一笼三粒, 而鹌春蛋生熟程度啱啱好, 食落蛋黄甘香非常, 而鹌春蛋白就脆口, 而唔系爽口, 意思系一咬落去会有卜一声嘅感觉, 至于下面的烧卖就好松化同肉汁好够, 师傅试真d发觉系以鸡肉为主, 当然中间夹杂少少猪肉, 但用鸡肉为主黎做烧卖, 师傅都系第一次食, 但感觉真得唔错; 最后叉烧肠粉一碟三条, 上枱时已经落左熟油喺面, 但师傅觉得佢都几重手, 一眼望埋去已经见到, 当时师傅点都要加少少豉油, 肠粉本身并非十分之滑, 但亦谈不上韧同硬, 而叉烧就几细粒, 加上肥糕颇多, 所以成碟叉烧肠粉都算一般啫!
总括黎讲食物质素合格, 环境都算干净舒服, 服务就普普通通, 不能强求, 埋单就三十七蚊; 师傅觉得如果作为宵夜当然未算抵食, 皆因行过隔离就已经有碗十一蚊嘅牛丸面, 食饱你先啦, 但系凌晨时份可以叹下茶, 食下点心, 亦另有一番风味! 师傅好肯定咁讲日光日白就真系唔会黎, 皆因大把酒楼任君选择, 但入夜后又系另一回事: 所以有机会都会再黎, 笑脸都可以一比, 皆因净系夜茶加合格点心都已经值得!
张贴
