許願樹美食

营业中

休息中

而家啲串烧店开到成巷成市，行两步又一间，行两步又一间，「许愿树」屹立咁多年，相信都系因为佢有心做。虽然系开喺街边，但都尚算干净。呢间系食过比较特别嘅串烧店，会有蒸点食，见到咁得意，叫咗个凤爪排骨试吓水温啦！味道又ok㖞！串烧都系叫𠮶啲例牌嘢啦，韭菜、翠玉瓜、鸡软骨，自己就钟意叫老板加蜜糖烧，真系好似去咗BBQ咁。特别推荐个鸡髀，好正肉嫩，唔会烧到好老！仲有叫咗一份烧腊肠，唔系好多地方有，虽然味道唔会系好特别，但钟意食腊肠系会觉得正嘅。