靚煲皇 (已結業)

疫情之后好多餐厅都好早收，同朋友睇完戏都已经成十点，苦恼紧去边度食野。好彩睇openrice见呢间餐厅收半夜四点，咁就啱晒我地可以一路食一路倾。夜妈妈最啱食重口味既麻辣鸡煲，个煲一上枱已经非常香，再炒一下更加惹味。食落麻味丰富，同出面其他鸡煲好唔同。鸡件够滑，每件都啖啖肉。另外叫左熟食，自家制脆香鸡软骨，够干身，个皮唔会好油既感觉。有少许蒜香味，香口野最啱宵夜食。冷盘有特色白卤水拼盘，有鸭件，肾，肠等等，卤得好入味，酸酸地送埋酒一齐食最啱最开胃。一路慢慢食食到半夜，而家香港真系好少有开到咁夜既餐厅。