肥波龍

营业中

休息中

每个星期最少都会帮衬1-2次，通常会买飞天鸡翼尖及海带绿豆沙，鸡翼尖有蒜香味及辣辣地，好惹味我觉得似B仔凉粉鸡翼尖的味道，但无佢地既味道咁辣，如果嫌唔够辣可要求佢地加辣；佢地糖水既卖点主要系低糖，最岩我地呢种不喜欢太甜既女士们，而绿豆沙好足料，有臭草及海带，可以清热及消暑！除咗绿豆沙，佢哋仲有好多不同款嘅中式糖水及不同种类嘅小食，佢哋比较有名气嘅系鱼唇羮及慢煮豉油鸡！我食过鱼唇羹，味道不过不失，但对我而言，我都系比较钟情于港式碗仔翅！总括而言，小店非常适合宵夜一族帮衬