肥波龍

营业中

休息中

成日經過見間鋪其實一d都唔吸引。街邊鋪一間。真係無諗過幫襯。但果日同個frd傾開計。佢問我有無試過我家附近間慢煮豉油雞。佢想知點慢煮法。好唔好味。我咪話無試過。門面唔吸引。見佢甘想知。我終於試下幫襯。。。買左回家即開黎試。夠熱的。未吃聞到有豉油香味。一吃。嘩。咸到呢。好咸。。。入面d肉好d。無甘咸。但無肉味的。。成隻雞感覺好油。好漏。唔想再吃。最後剩番半隻都食唔落了。慢煮其實只是綽頭野。無特別。唔會再幫襯

食咗50多年雞，確信好貴好貴嘅，未必等於好食。波士慢煮豉油雞及薑葱咸雞是令我感到有驚喜之作，雞肉嫩滑好味之外，我更欣賞廚師的努力及重視顧客的態度。一間隱於市的小店，值得支持及捧場！

今日真係好好彩，老闆有存貨，無預定都買到。價錢合理，隻雞真係好滑，又入味喎！豉油汁可以留返煮其他餸，雞殼可以煲湯，物盡其用，抵！老闆都好貼心，詳細解釋返去點樣烹調，仲send埋WhatsApp教埋詳細步驟，有埋video教你點樣手撕，對於我呢d廚藝好差嘅人黎講，好詳盡好安心

話說阿爸成日去肥波龍度買小食，應該同個老板好熟，竟然今晚攞咗隻慢煮豉油雞返嚟一打開已經聞到超級香，仲有勁多豉油汁，多到攞嚟整多個餸都得隻雞食落去超滑，已經好耐冇食過咁滑嘅雞，老闆一定好有心機煮原來豉油雞係要一早訂，唔係成日有，不過真係值得一試

每個星期最少都會幫襯1-2次，通常會買飛天雞翼尖及海帶綠豆沙，雞翼尖有蒜香味及辣辣地，好惹味我覺得似B仔涼粉雞翼尖的味道，但無佢地既味道咁辣，如果嫌唔夠辣可要求佢地加辣；佢地糖水既賣點主要係低糖，最岩我地呢種不喜歡太甜既女士們，而綠豆沙好足料，有臭草及海帶，可以清熱及消暑！除咗綠豆沙，佢哋仲有好多不同款嘅中式糖水及不同種類嘅小食，佢哋比較有名氣嘅係魚唇羮及慢煮豉油雞！我食過魚唇羹，味道不過不失，但對我而言，我都係比較鍾情於港式碗仔翅！總括而言，小店非常適合宵夜一族幫襯

又係一間食過好多次既小店!!臨走老闆送我一句:今日沽清靠你喇~~哈哈!!其實肥波既豉油雞係要預訂架，但我每次都……即興!!!!咁耐以黎未試過訂，當然都有遇過去到既時候，已經無現貨比我買啦！今日難得同老闆傾左好耐計，打開話題既原因係……因為見到佢瘦左好多，一問之下，原來佢話因為租約就快到期，所以壓力比較大好苦惱ing跟住傾左好耐計，講左少少佢既計劃我知，咁我都支持既!!!!!做埋鐵路沿線生意，可以生意再好啲~~~同埋由一味豉油雞，而家已經有埋鹽焗雞，但佢講明一定要訂，絕對唔會有現貨!!!!!下次有機會我都會試下，同埋同左佢講，有咩新消息，記得話我知~

之前睇食評已經好想食，見今天三五知己聚會一於早一天預訂慢煮豉油雞取雞時已經替我做好保溫，回家慢慢將雞手撕。一路撕，一路已覺慢煮雞很滑，因為撕出黎既手感又滑又易撕。上碟後，不需5分鐘，朋友們和我已經讚不絕口地食晒。雞確實又滑又入味，亦感覺到店主很用心的烹調。值得一試再試👍🏻👍🏻

久聞佢個魚唇羹🐟🐟好食到跳橋，今日一試真係feel到佢哋個心機。濃厚又唔杰，魚唇又好咬口，加埋個花椒汁同胡椒粉，配合得好完美。個牛脷🐂🐂更係一絕，本來只係叫個羹，但阿姐問我試唔試牛脷或豬頸肉。包個陣問我係咪第一次食，然後吉咗舊叫我試。咬落去個下，直頭好似味皇食完味吉陽一啲餸咁想叫出黎，鬆化好咬口，又未至於淋滋滋，個汁又吊啲肉味出黎，叫埋外賣番屋企都仲咁好食。下次想試慢煮豉油雞🐥，不過要預訂。

特登入元朗食呢個魚唇羹入口feel到勁豐富膠質仲有細細舊花膠仔。食之前會問下要唔要花鵰酒。咁我要就噴左兩下。唔係好食到個花鵰味但整體上呢碗野係好食的。同場仲有慢煮豉油雞想食但要拎番屋企太遠了

曾經係facebook見過有關報導，街坊朋友都食過鼓油雞都唔錯，難得黎到元朗探朋友，順道靠朋友whatapps 預訂留1隻鼓油雞，十分期待！肥波龍係朗監西鐵站附近，經過天橋，行幾分鐘就到，位置方便。宜家先知係慢煮架！老細係準時1430會開門，等左一陣，已經有幾位街坊黎到話要買雞了！天雨路滑，人氣還在，建議先whatapps 落訂單，減低樸空的機會。慢煮鼓油雞（全隻）$180老細從熱水中取出鼓油雞，熱水不會過熱，令雞隻肉質保持滑嫩而不「鞋」口，他仲細心地包左2層密實袋（外賣袋都好可愛），提醒我地若當晚再吃（因為本小姐晚上先回家），雞隻會更入味。回家後可用沖涼熱水（約40-50度）連密實袋浸熱10分鐘就可以吃！果然雞隻非常入味，肉質嫩滑，戴上手撕的感覺好爽，我地4個人食就剛剛好。老細話呢隻雞慢煮3小時，叫我地自己回家也可以做（香港人邊有呢個時間呢：P)，仲建議我地鼓油汁可在冰格冷藏（可放1個月），能循環再用，用黎煮雞翼係一流架！倒自己米的老細真可愛，但他堅係好傾，又好禮貌，只係令我等左一陣就不停say sorry ，老細呀！唔駛甘緊張架！😂😂😂

專誠到朗屏買豉油雞。喜出望外，這裡的雞，肉嫩入味。老闆一天只做20隻雞，售完即止。其他店的豉油雞多半，即使入味，但受火太久，肉質粗糙。然而，這裡的豉油雞是慢煮而成，肉質嫩得絲絲入扣。唯一缺點是雞太肥，皮下油脂大厚，不敢把雞皮都吃。好味，而且價錢大眾化。非常讚。

喜歡掃街既朋友,不要錯過,位於水邊圍的肥波龍小店,上次食過慢煮鼓油雞,肉滑多汁,但有小小貴,$180 —隻除左鼓油雞,原來雞亦尖都好好味,又够辣,重有好多小食,下次再試