博多拉麵別天神 (已結業)

今晚好夜觉去到铜锣湾搅晚餐，因为已经晚上9点几，可以选择已经唔多（好多食店都收10点半）醒起呢间拉面店开得夜啲，又未试过，所以就同肥髀来，去到爆场（因为只有大约10多个吧枱位，全面向师傅）要企在门口等，装修系好日式面店格局，好在好快有人走，等时已经睇咗餐牌，食物款式好简单，只系叫餐定唔叫餐！三个师傅其中一个识广东话，落好单比八达通比钱！可以平两蚊！（因为三个人已经分身乏术）食物好快到！别天神拉面：奶白色汤底声称煲了十多个钟，浓味但唔油腻，幼拉面索晒汤，不过幼身面有样唔好，唔够咬口，木耳爽口，鸡蛋非常滑，包括蛋黄及蛋白，好滑溜！青葱增加香味！紫菜索埋汤好香！好味道！跟餐饺子：四只饺子好易分开，个底煎得香脆，皮薄中间有肉汁！点埋醋唔油腻好味！苹果汁：罐装饮品，味道唔假几清新！替玉：唔记得叫即上！食到一半叫上，只有葱花同面，落埋落汤，因为汤已经唔够热，香味略减，所以我加啲芝麻碎提味（又可以比肥髀玩下个磨芝麻机）面质淋身，索汤食一样好味！要用嘅调味全放在手边，吧枱上有两个水壶，一个冰茶，一个清水，杯都放在一齐，自己湛，我饮了麦茶！好浓麦味！又够冰冻，食完浓汤拉面饮刚好！食完嘅碗放柜枱佢哋会收，