影片
更多
2016-05-08
478 浏览
公干返黎 有种西餐恐惧症 朋友话不如试下家常小菜 岩晒我口味 因为平日冇汤水冇住家饭食 家常小菜最欢喜。佢预先订左枱 呢间私房菜要四人以上先book得。大约$310 一位 可以同老板倾菜单。上到去 真是好像返屋企咁 好简单的一个单位 有两间房 家的感觉 有铺左胶枱布的餐桌 又电视机 感觉好新鲜 系我的第一次私房菜体验。餐单朋友一早搞掂 我完全冇理会过。佢话六𩠌一汤 加一个甜品。。白菜猪肺汤。其实我好少饮猪肺汤 因为娘家话整猪肺汤好麻烦。有白菜 红萝卜 猪肺 南北杏一齐煲 好甜 冇猪骨煲汤个种浓味和油腻 清清地 饮几碗都唔滞。仲有汤渣俾我们食埋 猪肺好腍 转眼间已经食晒。。蒸新鲜海班。我唔系鱼的爱好者 因为一直怕腥。但是呢条班蒸起黎够滑之余 仲完全冇腥味 再加埋好多爆香过的葱和甜豉油 我都食左唔少。。金银蒜粉丝蒸扇贝。蒜头好多 粉丝索晒d汁 好鬼香。扇贝都算大只 稍为蒸过火了一点 但味道一流。。豉油皇海虾。海虾几弹牙 算鲜甜。豉油汁好惹味。几够镬气。。避风塘炒蟹。蟹肉好鲜甜 肉质几嫩。炸蒜 辣椒干 芹菜炸到好香 送白饭一流。。凉拌手撕鸡。惊喜之作。有芒果架噃。芒果好鲜甜 配上爽口粉皮 手
佢预先订左枱 呢间私房菜要四人以上先book得。大约$310 一位 可以同老板倾菜单。上到去 真是好像返屋企咁 好简单的一个单位 有两间房 家的感觉 有铺左胶枱布的餐桌 又电视机 感觉好新鲜 系我的第一次私房菜体验。
餐单朋友一早搞掂 我完全冇理会过。佢话六𩠌一汤 加一个甜品。
。白菜猪肺汤。其实我好少饮猪肺汤 因为娘家话整猪肺汤好麻烦。有白菜 红萝卜 猪肺 南北杏一齐煲 好甜 冇猪骨煲汤个种浓味和油腻 清清地 饮几碗都唔滞。仲有汤渣俾我们食埋 猪肺好腍 转眼间已经食晒。
。蒸新鲜海班。我唔系鱼的爱好者 因为一直怕腥。但是呢条班蒸起黎够滑之余 仲完全冇腥味 再加埋好多爆香过的葱和甜豉油 我都食左唔少。
。金银蒜粉丝蒸扇贝。蒜头好多 粉丝索晒d汁 好鬼香。扇贝都算大只 稍为蒸过火了一点 但味道一流。
。豉油皇海虾。海虾几弹牙 算鲜甜。豉油汁好惹味。几够镬气。
。避风塘炒蟹。蟹肉好鲜甜 肉质几嫩。炸蒜 辣椒干 芹菜炸到好香 送白饭一流。
。凉拌手撕鸡。惊喜之作。有芒果架噃。芒果好鲜甜 配上爽口粉皮 手撕鸡麻油几香。想像中 以为系麻油或者麻辣味道 点知系有芒果的做法 真是第一次尝试 好清新。
。姜汁炒芥兰。
唔会太多油 姜味几浓 芥兰算嫩 几新鲜。。芒果布甸。
鱼型布甸 几滑 花奶够香 不过我比较钟意有新鲜芒果肉既布甸 但胜在滑。一餐住家饭 满足！
张贴
