影片
更多
2017-09-30
2752 浏览
妈妈都系爱吃之人，成日有机会就出街试不同美食。最近佢同同事食过百乐潮州，表示又抵好食，小型家庭聚会就book左位试埋尖沙咀呢间百乐小馆。百乐小馆位于美丽华商场四楼，并唔难揾，虽然唔属于会随便经过嘅位置，之但系夜晚七点钟已经座无虚席。一坐底，侍应先奉上小菜同功夫茶，小茶有花生酸菜，都好开胃。黎到潮州茶馆食饭，又点少得潮州打冷。我地先叫左卤水鹅肉拼盆($148)。坊间鹅肉买少见少，大部分餐馆嘅菜式都会用鸭肉代替。鹅肉肉质更为细致有咬口，亦都带独特嘅清甜肉味，再加上卤水腌得入味，食到唔停口。卤水豆腐、墨鱼片、蛋等等全部水准都属中上水平，系值得再encore之选。百乐小馆做紧promotion，首杯红酒/白酒只需$10。同妹妹一人要左一款，咁难得同屋企人一齐出街食饭，当然要尽兴一下。另一样前菜，叫左潮式萝卜灌浆($48)。萝卜灌浆口感特别，一开始以为系萝卜酥，点知入口烟烟韧韧，满口萝卜丝，外层亦炸得又薄又香脆。就咁食已经好香甜可口，亦都可以再点埋甜甜地嘅酱汁一齐食。一家四口都系上班一族，屋企好少有汤水饮，尤其系杏汁猪肺、胡椒猪肚汤等等工序繁多嘅汤水。所以出街食饭，我地都特别中意叫啲屋企较少饮到
百乐小馆位于美丽华商场四楼，并唔难揾，虽然唔属于会随便经过嘅位置，之但系夜晚七点钟已经座无虚席。
一坐底，侍应先奉上小菜同功夫茶，小茶有花生酸菜，都好开胃。
黎到潮州茶馆食饭，又点少得潮州打冷。我地先叫左卤水鹅肉拼盆($148)。坊间鹅肉买少见少，大部分餐馆嘅菜式都会用鸭肉代替。鹅肉肉质更为细致有咬口，亦都带独特嘅清甜肉味，再加上卤水腌得入味，食到唔停口。卤水豆腐、墨鱼片、蛋等等全部水准都属中上水平，系值得再encore之选。
百乐小馆做紧promotion，首杯红酒/白酒只需$10。同妹妹一人要左一款，咁难得同屋企人一齐出街食饭，当然要尽兴一下。
另一样前菜，叫左潮式萝卜灌浆($48)。萝卜灌浆口感特别，一开始以为系萝卜酥，点知入口烟烟韧韧，满口萝卜丝，外层亦炸得又薄又香脆。就咁食已经好香甜可口，亦都可以再点埋甜甜地嘅酱汁一齐食。
一家四口都系上班一族，屋企好少有汤水饮，尤其系杏汁猪肺、胡椒猪肚汤等等工序繁多嘅汤水。所以出街食饭，我地都特别中意叫啲屋企较少饮到嘅汤，今次就选择左咸菜猪肚汤($128)。猪肚完全无膻味，又足料。唯一系胡椒味都几重，怕辣嘅人士可能就要再考虑一下，但个人认为辣辣地，感觉更加驱寒。
乳鸽亦都系屋企人出街必点菜式之一，叫左两只，全名系红烧皇子乳鸽伴凯撒沙律($56/只)。乳鸽烧得十分香脆，食落直头系卜卜声，肉质保持鲜嫩，肉汁鲜美，记住衬热食！
豆酱焗田园鸡，好似系入秋嘅新菜式，$238有一大只。餐厅深深明白相机食先嘅重要性，先原只上枱，等我地影完相之后再帮我地用手撒开。手撒鸡件滑嫩，咸香味十足，用黎送饭一流。配料中马蹄尤其突出，非常爽口但又好入味。
沙茶牛肉炒河($118)，外表可能无其他茶式咁吸引，但亦都非常惹味。平时只系知沙茶酱系黎打边炉点嘅酱料，原来都系潮州菜之一。呢个沙菜酱十分香浓，牛肉完全唔会嚡口，再配上吸收日月精华嘅河粉，食一碗已经饱足。
我同妈妈都十分喜爱芋头，虽然已经好饱，都叫左一碗福果芋泥($38)齐齐分享。百乐嘅芋泥系我食过有史以黎最足料嘅地方，每一啖都系滑溜香浓嘅芋头蓉。从扎实绵密嘅口感，已经食得出绝对系真材实料地将芋头打成蓉。炒芋泥嘅过程绝不简单，稍为慢少少已经会㶶底。呢一碗小小嘅芋泥，已经尽显师傅工架，亦为我地嘅晚餐写上完美结幕。
福果芋泥
$38
36 浏览
0 赞好
0 留言
张贴
