聯邦皇宮 (已結業)

初三【赤口】拜完大佛行吓逛吓咁就一日！出到东涌都晚黑8点左右，呀仔要返呀爷屋企食饭，我地得返7大1小，大家都谂住食埋晚饭就各自归家，亦唔想再行，我拣左联邦食饭，一黎近，二黎因为多年前我都响某间联邦做过短时间，知道（相信）佢地食物品质唔太差！今日我早午餐两餐都唔愉快，断估唔会接二连三挂！如果系的话，以后初三我绝唔出街！幸好～呢餐晚餐挽救番我对食既心情！过年出街食饭都一定要等位，都等左20分钟左右，响门外等候期间我都醒目啦！拿拿林睇定晒菜单，已经点晒菜填晒号码，一入枱就即时落单，呢餐点左六个菜，上菜时间都算快，当8:20pm入座，我9:20pm埋单，都只系食左1个钟头，可能亦都因为大家都已经好攰，想快啲食完返屋企瞓教休息吧⋯⋯同屋企人呢餐开年晚饭，系今日最好既一餐⋯⋯⋯妈呀！我仲有好多篇饭后报告未写呀！不过都系随心吧！有时间就写，记得就写⋯⋯🤪好多人话【开饭喇】好多打手做枚！人地既野我唔知道亦唔理会，我只系记低写低自己食过既每一间每一餐！好就赞！唔好就门+小